Call

Il departament per furmaziun e scolaziun da la Scola auta spezialisada da la Svizra taliana SUPSI, ensemen cun la Scola auta da pedagogia Grischun e la Scola auta da pedagogia Vallais envidan tut las persunas d’instrucziun, scoladers e scoladras e scienziadas e scienziads activs en il champ da furmaziun da linguas estras e da la didactica da linguas estras e dal plurilinguissem, sco era tut las persunas interessadas che han da far cun la furmaziuns dad inoltrar propostas da contribuziuns per il “Convegno Plurilinguismo 2018” (quarta ediziun).

Termin per inoltrar las contribuziuns:  4 zercladur 2018

Formats da preschentaziun

Las contribuziuns pon vegnir proponidas en dus differents formats: singulas contribuziuns u simposis.

Contribuziuns individualas: Las singulas contribuziuns cumpiglian preschentaziuns da studis, da projects u dad experientschas da vart d’in u plirs participants. La durada totala d’ina contribuziun singula cumpiglia 30 minutas: 20 minutas preschentaziun e 10 minutas per dumondas / discussiun. Il CO gruppescha las singulas contribuziuns en sesidas da temas adattadas.

Simposis: Ils simposis cumpiglian preschentaziuns da gruppa davart ina tematica specifica. Ils simposis porschan ina buna chaschun da s’avischinar ad in tema da maniera coerenta grazia a la cumplementaritad da las preschentaziuns. La durada entira d’in simposi cumpiglia 120 minutas che sa cumponan da: (a) ina curta introducziun da la tematica dal simposi (10 min. max.); (b) 3 preschentaziuns da maximal mintgamai 30 minutas (20 minutas preschentaziun e 10 minutas per dumondas); (c) discussiun generala (20 minutas). En mintga simposi datti in president (chair) che maina il simposi.

Linguas al convegno

Las linguas uffizialas al convegno èn talian, franzos, tudestg e rumantsch. La preschentaziun da la contribuziun succeda en la lingua da la proposta inoltrada en scrit.

Process d’evaluaziun

Mintga proposta cumpletta vegn examinada a moda anonima da dus commembers dal comité scientific. Ils criteris d’evaluaziun resguardan: appartegnientscha al tema da la conferenza, premura dals aspects metodologics, replicabilitad, originalitad e coerenza.

Las decisiuns vegnan communitgadas als auturs fin ils 29 da zercladur 2018.

 

» Tar Inoltrar contibuziuns